А.ж. 13 мамыр күні Қостанай политехникалық жоғары колледж мамандары 9-сынып оқушыларымен кездесу өткізді. Мақсаты: мектеп бітіруші түлектерді дұрыс таңдау жасауға және елімізде сұранысқа ие жұмыс кәсібін алу үшін колледжге оқуға шақыру. Қостанай политехникалық жоғары колледжі бүгінде еліміздегі ең үздік политехникалық колледждердің бірі болып табылады. Колледж өңіріміздің энергетика, автомобиль өнеркәсібі, ауыл шаруашылығы және қызмет көрсету салалары үшін жұмысшы кадрларды даярлайды. Колледждің жоғары білікті түлектері құнды кадрлық ресурс болып табылатындығы және жұмысқа орналасуда қиындық көрмейтіндігі айтылып, буклеттер таратылды.
