Мақсаты: Балаларға жыл мезгілдерінің айырмашылығы мен зор байлықтары туралы толық түсіндіру. Әр мезгілдің өз қызығы мен сәні бар екенін ұғындыру. Күз айларының халыққа молшылық алып келетінін, қуаныш сыйлайтынын жеткізу. Балаларды бір – біріне сыйластықты, ауызбіршілікті болуға шақыру. Өнерге деген қызығушылықтарын ояту және сөз қорларын байыту.
№2 Ұзынкөл жалпы білім беретін мектебінде «Мектеп парламенті мен Жас Ұлан» ұйымдарының ұйымдастыруымен мектебіміздің 1 қабатында 1-10 сынып оқушылары арасында «Аяулы күз, алтын күз» тақырыбында суреттер, қолөнер байқаулары өткізілді.
Сонымен қатар бастауыш сынып оқушылары арасында қазына іздеуге арналған нағыз күзгі квест өтті. Олар барлық кедергілерді жеңіп, чемоданның ішінен нағыз зергерлік бұйымдар болып шыққан кодталған пароль нөмірлерін шеше алды.
Ал 5-11 сынып оқушылары арасында «Күз» мерекесіне арналған би кеші өткізілді.