Денсаулық күні
Мақсаты: Оқушылардың денсаулығын, белсенділігін нығайту, ептіліктерін, шапшаңдықтарын, батылдылықтарын, күштіліктерін қалыптастыру.
Спорттың адам өмірінде алатын орны зор екендігін бәріміз білеміз. Спортпен айналысқан адамның денсаулығы мықты, өзі шыдамды болады. Біздің ата – бабаларымыз “Тәні саудың – жаны сау” – деп бекер айтпаған. Спорттың қай түрімен айналысу адамның қабілетіне байланысты болады. Бірінші байлық – денсаулық, денсаулық адамның ең қымбат дүниесі. Сондықтан біз денсаулығымызды нығайту үшін спортпен айналысуымыз керек. Футбол ойнауда, шаңғы тебуде де, гимнастикамен айналысуда т.б. спортпен айналысу жатады. Ондағы негізгі идея оқушыларды салауаттылыққа ынталандыру, дене тәрбиесі мен спортпен айналысуға үгіттеу. Себебі елді күні ертең ілгері апаратын – сауатты, білімді, дені сау жастар. Сондықтан біздің мақсатымыз уақытты тиімді пайдаланып, сапалы қызмет етіп, өмірде өз орнымызды адаспай табуға барлық жағынан дайын болуымыз керек.
Осыған орай мектебімізде әр оқу жылында денсаулық күніне орай жоспарлар жасалынып, оны іске асыруда көптеген іс-шаралар атқарылуда. Сондай іс-шаралардың бірі – топ оқушылары арасында спорттық сайыстар өткізіліп отырады.
Сайыс түрлі байқаулардан тұрды: «Кім жылдам», «Доп лақтыру», «Кім көп жинайды?», «Арқан тарту», «Кім күшті?».
Сайыс соңында жеңіске жеткен топтар анықталынып, мақтау қағаздарымен, алғыс хаттармен марапатталды.
